Барааны тайлбар:

Мянган уран үгнээс ганц ширхэг үнэн үг илүү их үнэ цэнэтэй.
Хүмүүс сайхан зүйлсийн талаар олонтаа ярьцгаадаг. Тухайлбал шударга ёсны талаар, ёс суртахууны тухай, бие биенийгээ энэрч хайрлах гэх мэт олон ч гэгээлэг зүйлс ярьцгаадаг. Гэвч бодит байдал дээр бидний олонхын маань яриа хийгээд үйлдэл хоёр дэндүү зөрүүтэй байдаг нь харамсалтай. Бүр цаг тулсан мөчид та ч, би ч ялгаагүй өтгөн манан дунд шургаж ороод зүрхнийхээ цохилтыг хүртэл дараад нуугдчихаж мэдэх л аймхай улс. Мөн хамгийн инээдтэй нь бусдад тус болж чадаагүй шалтгаанаа “Боломж бололцоо байсангүй” хэмээх материаллаг хэрэгцээн дээр тулгуурласан өчүүхэн шалтгаар хаацайлдаг ийм л хүмүүс.
Тэгвэл Маргаашгүй Өнөөдөр хэмээх энэхүү зохиол хүмүүний яг энэ чанарыг нь хөндөж, тэр цэгт нь өвдөлт өгч, салганатал нь хүчтэй хатгахыг хүссэн ажээ. Мөн уг зохиолыг бодит явдлаас сэдэвлэн бүтээсэн гэж хэлж ч болохоор.
“Энэ зохиол нь авангард, абсурд гээд чухам аль төрөл, хэлбэрт хамаарагдах талаар ч надад мэдэх зүйл алга. Бодвол нэг төрөлд нь хамаарч л таарах биз. Аль төрөлд хамааруулах ажлыг утга зохиол судлаачиддаа үлдээе. Гагцхүү үнэнтэй ойрхон байвал хүсэл минь биелэх нь тэр. Ердөө л амьдрал хийгээд үнэн үнэртэх ёстой гэх цор ганц жанжин шугамыг баримтлан энэхүү зохиолыг туурвиж дуусгав.” хэмээн номын зохиолч хүүрнэжээ.

Зохиолч: Ц.Баяр

#859